Homepage > Regolamenti tal Karnival

Regolamenti tal Karnival

REGOLAMENTI

Il-Kunsill Malti ghall-Kultura u l-Arti, jew dik l-entita’ li tiddelega l-Ministru responsabbli għall-Kultura u / jew il-Kunsill Malti ghall-Kultura u l-Arti, torganiżża u tmexxi l-Karnival ta’ Malta. L-organu u jew l-entita’ responsabbli tkun imsejjha bhala l-organizazzjoni.

1. L-ORGANIZAZZJONI

L-Organizazzjoni għandha d-dritt li

A tippubblika u tuża xi disinn u / jew ritratti ta’ xi entratura (items) li jieħdu sehem fil-Karnival ta’ Malta mingħajr ebda obbligu ta’ kumpens lil terzi;

B titlob lill-lider/s fil-Karnival biex jgħaddulha l-materjal /item li jkunu użaw fil-Karnival fuq talba tagħha. Bi ftehim, dan il-materjal /item isir propjeta’ assoluta tal-organizazzjoni, li tista taħżnu u turih lill-pubbliku f’wirjiet jew kif ukoll b'mod ieħor tiddisponi minnu fid-diskrezzjoni assoluta tagħha. Għal dan jista’ jingħata kumpens ;

C tikkummissjona xi items li tħoss il-ħtieġa għalihom f’xi sena partikolari u għal dawn għandha tinħareġ sejħa għall-offerta pubblika. L-items ikkommissjonati jaqgħu taħt l-istess Regolamenti bħal dawk li qegħdin jikkompetu.

D in-numru ta’ parteċipanti li jieħdu sehem għandu jkun skond kif miftiehem fir-regolamenti tar-reġistrazzjoni

E ma tidħolx responsabbli jekk xi uffiċċjal u / jew Membru jew Delegat tagħha jwiegħed u / jew jikkommetti lill-organizazzjoni ma’ xi lider mingħajr awtoriżazzjoni tad-Direttur Ezekuttiv tal-Kunsill Malti ghall-Kultura u l-Arti jew ta’ persuna delegata minnu;

F temenda jew tirrevedi dawn ir-Regolamenti sa qabel l-ewwel parteċipazzjoni tal-Konkors rispettiv fil-Karnival, b’konsultazzjoni ma’ l-Għaqda Parteċipanti tal-Karnival . Il-parteċipanti jkunu magħrufa bil-miktub dwar xi tibdil jew żidiet fir-Regolamenti;

G. tista' titlob lil kull applikant biex jissottometti disinn skalat bil-kulur ta’ l-entratura (item) bid-dettalji kollha, inkluż il-mekkaniżmu u kull tagħrif ieħor mitlub;

(i) Jingħata pagament bil-quddiem lil dawk li jiġu aċċettati skond kif miftiehem fir-regolamenti tar-registrazzjoni tal-liders ekwivalenti għal 50% ta’ tielet permju wara l-aċċettazzjoni mill-organizazzjoni u l-firma tal-ftehim ta’ l-obbligazjoni mill-lider/s

(ii) jingħata wkoll 10% tat-3 premju wara l-parteċipazzjoni ta’ l-entratura (item) fil-Karnival jekk il-livell mistenni jkun intlaħaq. Dan l-ammont ta' l-aħħar jingħata flimkien mal-bilanċ biex jintlaħaq il-premju dovut u / is-sussidju.

(iii) il-ħlasijiet, possibilment, isiru mhux aktar tard minn 6 ġimgħat wara l-parteċipazzjoni.

(iv) F’każ li għal xi raġuni l-applikazzjoni tkun irtirata l-parteċipant irid jirrifondi l-pagament li ngħatalu sa mhux aktar tard minn ħmistax-il jum wara l-irtirar. Apparti dan f’tali każ jista’ jeħel multa addizzjonali li tkopri l-ispejjeż amministrattivi konessi;

J. Kull applikant għandu jħallas depożitu ta' € 50 ( Lm 21.47) għal kull Reġistrazzjoni. Dan id-depożitu' jintilef kemm jekk jirtira jew jekk jiġi skwalifikat mill-istess organizazzjoni. L-eta' ta' l-applikant ma tridx tkun inqas minn 18 il-sena fid-data tar-reġistrazzjoni u jkollu Karta ta’ l-Identita’ Maltija.

K. Ħadd ma’ jista’ japplika b’aktar minn item wieħed fil-karnival għajr dawk li fil-Karnival 2008 kienu qegħdin jieħdu sehem b’żewġ items. Jekk xi ħadd minn dawn li qegħdin jieħdu sehem b’żewġ items japplikaw b’item wieħed, jew ma’ japplikawx jew ma jikklassifikawx fil-kategorija, dawn jitilfu d-dritt li jkomplu japplikaw b’aktar minn item wieħed fis-snin sussegwenti.

2. IL-ĠURIJA

A Il-Ġurija tkun magħmula minn erba’ gruppi ta’ 5 persuni f’kull grupp. Dawn se jiggudikaw il-kostum u z-zifna separatament, grupp iehor jiggudika l-karrijiet u l-allegrija taghhom fit-toroq u l-grupp l-iehor jiggudika l-karrijiet fl-enclosure. Il-gruppi tal-gurija jalternaw. Dan ifisser li se jkun hemm 5 voti ghal kostum u 5 voti ghaz-zifna kull darba li jsir iz-zfin kompetittiv u 10 voti kull darba li jiehdu sehem il-karrijiet b’mod kompetittiv, 5 voti tal-gurija tul it-triq u 5 voti tal-gurija li tirrifleti l-esebizzjoni tal-karru fl-enclosure.

B Il-Ġurija tkun taħt il-ħarsien ta’ nutar pubbliku, li tiġġudika l-konkorsi kompetittivi kollha tal-Karnival. Din timxi fuq ir-regolamenti stabbiliti mill-organizazzjoni u finalment fuq il-ġudizzju personali tagħha. Kull deċizjoni tal-ġurija tkun finali u mhux appellabli;

C Kull gurat li jkun se jiggudika fil-Karnival għandu jiffirma dikjarazzjoni li :-
“1” – ma jitkellem ma’ ħadd li ġie magħzul/a bħala gurat
“2” – ma jitkellem ma’ ħadd dwar il-konkorsi tal-Karnival
“3” – ma għandu l-ebda konflitt ta’ interess ma xi parteċipant/i

D Kull Membru tal-Ġurija jista jagħti l-klassifika ta’ l-ewwel tlett postijiet klassifikati fil-Konkors rispettiv. Jekk il-Membru tal-Ġurija jħoss li f’xi entratura, l-livell meħtieġ ma jintlaħaqx, ma għandux jagħti klassifika;

E Kull ġurnata ssir il-votazzjoni bil-karta tal-vot li turi l-ġurnata li tkun u l-entraturi (items) tal-Konkors. Il-voti jinxteħtu f’envelopes fejn jiġu ssiġillati minn Nutar Pubbliku;

F Jekk f’xi ġurnata / ġranet il-Karnival ma jkunx sar minħabba l-maltemp jew xi raġuni valida ppruvata oħra, l-verdett globali joħroġ fuq il-kumplament tal-ġranet li jkun sar il-Karnival. F’każ li l-programm jitwaqqaf mill-organizazzjoni u l-konkorrenti tal-Konkors ma jkunux dehru, b’mod komplut kollha, ma ssirx ġudikazzjoni tal-Konkors partikolari f’dik l-attivita’ ta’ dik il-ġurnata jew dawk il-ġranet;

G Jekk xi wieħed mill-entraturi (items) jonqos li jidher u ma jieħux sehem, jitlef il-mertu ta’ dik il-ġurnata li ma jkunx deher fiha. Fil-klassifika finali jingħaddu biss il-merti tal-ġranet l-oħra li jkun ħa sehem fihom;

H L-għada ta’ l-aħħar ġurnata tal-Karnival ta’ Malta, jew jekk jinqala' l-bżonn, f’xi jum ieħor li jiġi ffissat mill-Organizazzjoni , Kumitat ‘ad hoc’ maħtur mil-Organizazzjoni, jiftaħ l-envelopes ssiġillati tal-voti quddiem Nutar Pubbliku. Għal dan il-proċess ikun mistieden ukoll rappreżentant ta’ l-Għaqda Partecipanti tal-Karnival bħala osservatur, pero dan ma jistax ikun parteċipant:

I. Jekk qabel, waqt jew wara t-thabbir tal-klassifiċi mogħtija, xi lider/s , helper/helpers jonqos/u fl-imġieba tiegħu / tagħhom, jistgħu jiġu skwalifikat/i awtomatikament mill-premju ta’ dik is-sena skond il-gravita’ tal-kaz, kif ukoll li l-organizazzjoni tista’ tikkonsidra l-kanċellament ta’ parteċipazzjoni ta’ l-istess lider/s, u s-sehem tal-helper/helpers għas-snin ta’ wara;

K. Kif jinħareġ ir-riżultat:

Fl-ewwel post jiġi kklassifikat dak li jkollu l-aktar preferenzi Numru 1.
F’każ ta’ parita’ l-Kumitat ‘ad hoc’ idur fuq it-tieni preferenza u jekk jibqa’ ma joħroġx ir-riżultat iddur fuq it-tielet preferenza;

Fit-tieni post jiġ kklassifikat dak li jkollu l-akbar numru tat-tieni
preferenza. Il-proċess isir billi jingħaddu l-ewwel preferenzi ( Nru 1) mat-tieni preferenzi ( Nru 2) u jekk tibqa’ l-parita’, ddur fuq it-tielet preferenzi (Nru 3).

Fit-tielet post jiġi kklassifikat dak li jkollu l-akbar numru tat-tielet
preferenza. Il-proċess isir billi jingħaddu l-ewwel preferenzi ( Numru 1), mat-tieni preferenzi ( Numru 2) u mat-tielet preferenzi (Numru 3);

F’każ ta’ parita’, wara li jkun sar il-proċess hawn fuq imsemmi, u jkun hemm aktar mill-lider wieħed li jikseb l-istess għadd ta’ klassifiċi jiġu ddikjarati rebbieħa f’dik il-klassifika aktar minn lider wieħed. Jekk il-kaz ikun fuq l-ewwel post ma jingħatax it-tieni premju. F’kaz li jkun fit-tieni post ma jingħatax it-tielet premju.

L. Kriterji ta’ referenza għall-Ġurija fuqhiex jibbażaw il-mertu:

Jekk fil-ftuh tal-voti jinstab li nofs il-gurija u wiehed (50%+1) ma jkunux taw xi preferenza ta’ l-1 , it-2 jew it-3 lill xi kategorija f’konkors, il-premju fil-kategorija fil-konkors rispettiv ma jinghatax.

1 Il-Karrijiet

Il-kreattivita’ fit-tema u fil-preżentazzjoni.
Il-Ħila tax-Xogħol
L-iskema tal-Kuluri Karnivaleski
Il-Movimenti
L-umoriżmu u l-brijju Karnivalesk
Dehra Ġenerali

2 Konkorsi taż-Żfin

Il-kreattivita’ fit-tema u fil-preżentazzjoni
Arranġamenti Mużikali
It-temp u l-movimenti taż-Żfin
L-umoriżmu Karnivalesk
L-Allegrija
Id-Dehra Ġenerali

3 Maskeruni

Il-kreattivita’ fit-tema u fil-preżentazzjoni
Il-Brijju Karnivalesk
L-iskema ta’ kuluri karnivaleski
Il-ħila ta’ Xogħol
Dehra Ġenerali

4. Kostumi ( tal-Kumpaniji taż-żfin)

Il-kreattivita’ fit-tema u fil-preżentazzjoni
L-iskema ta’ kuluri karnivaleski
L-ispirtu Karnivalesk
Il-ħila tax-Xogħol
Il-Varjazzjoni u d-Dehra Ġenerali

3 TROFEJ

Jingħataw Trofej ( jew tifkira) għall-aħjar –

a. Kumpanija Kategorija A
b. Kumpanija Kategorija B
c. Kumpanija Kategorija C
d. Banda fil-Konkors Marċi Grotteski
e. Karru Trijonfali Kategorija A
f. Karru Trijonfali Kategorija B
g. Karru Trijonfali Kategorija C
h. Sett Maskeruni

Kif jingħataw t-trofej ( jew tifkira) fil-Konkorsi tal-kumpanija taż-żfin

a. Kumpaniji Kategorija A u C – Kompetizzjoni – Kostum , Karru u Żifna

Il-Ġurija tagħżel l-aħjar Kumpanija fil-Kategorija rispettiva u
tikkonsidra x’mertu nkiseb f’kull taqsima ( jiġifieri, il-Karru, il-
Kostum, ż-Żifna). F’każ finali ta’ parita’ t-Trofej tingħata lir-Rebbieħ
tat-taqsima tal-Kostum.

b. Kumpaniji Kategorija B – Kompetizzjoni – Kostum u Żifna

Jekk ikun hemm parita’, jiġifieri parteċipant jirbaħ iż-Żifna u ieħor
jirbaħ il-Kostum, it-Trofej tas-Sezzjoni jingħata lir-Rebbieħ tal-Kostum.

3. IL-LIDERS

A Lider li jingħata sussidju mill-Organizazzjoni ma jistax jagħmel użu mill-entratura (item) jew parti minnha f’xi attivita’ qabel jew waqt il-Karnival, kemm f’Malta kif ukoll barra minn Malta, jekk mhux bil-kunsens tal-organizazzjoni. It-talba tal-permess, kif ukoll l-aċċettazzjoni jew ċaħda għandhom isiru bil-kitba ndirizzata lid-Direttur Ezekuttiv Kunsill Malti ghall-Kultura u l-Arti.

Ksur ta' dan ir-Regolament ifisser Multa ta’ bejn €50 u €120 barra li jista’ jintilef id-dritt awtomatiku ta’ parteċipazzjoni fis-snin ta’ wara, skond il-każ.

B Applikant ma jkollu l-ebda dritt għal xi ħlas ta’ kumpens jekk
ma jigix accettat wara li jkun applika jew jekk jiġi skwalifikat mill-istess organizazzjoni wara li tkun saret diskussjoni ma’ l-Għaqda Parteċipanti Karnival.

C. Mhux permess li jkun hemm b’xi mod temi Reliġjużi, Partiġġjani, Pornografiċi, Politiċi u ta’ kull suġġett ieħor previst skond ir-Regolamenti maħruġa mill-Kummissarju tal-Pulizija u / jew mill-istess Organizazzjoni.

Ksur ta' dan ir-Regolament ifisser tnaqqis ta’ klassifika kull darba li jinkiser. L-Organizazzjoni tista’ wkoll tieħu passi neċessarji oħra, nkluż li l-entratura (item) ma titħalliex tkompli tieħu sehem.

D. Għall-isfilata u tul il-Karnival, il-Membri tat-tim ta’ kull entratura
( item) għandu jkollhom il-ħin kollu, il-Karta ta’ identifikazzjoni b’ritratt riċenti li tingħatalhom mill-organizazzjoni. It-tim ikun magħmul mill-lider ( mhux aktar minn żewġ liders għal kull entratura (item)) u n-numru stabbilit ta’ helpers li jistgħu jidħlu ma’ l-entratura (item) fl-arena b’dan il-mod:-

Karrijiet Trijonfali u Kumpaniji – 10 persuni adulti bil-lider/s b’kollox.

Maskeruni – 5 persuni adulti bil-lider/s b’kollox

( Il-listi bl-ismijiet, flimkien mar-ritratti tal-helpers irridu jingħataw mill-lider lill-organizazzjoni sa’ mhux aktar tard minn gimgħatejn qabel l-ewwel attivita’ tal-Karnival)

Ksur ta' dan ir-Regolament ifisser tnaqqis ta’ klassifika kull darba li jinkiser.

E. Biex ikun hemm aktar kontrol u tonqos il-possibilita' ta' xi aċċidenti serji, ħadd ħlief dawk awtoriżżati skond ir-Regolament mhu ser jitħalla jidħol fl-enklowxer, kemm mal-Kumpaniji taż-Żfin kif ukoll mal-Karrijiet, Maskeruni u Baned. Il-Helpers iridu jidħlu u joħorġu ma' l-entratura tagħhom jew joqgħodu fuq l-istand provdut għall-helpers.

F. L-entraturi (items) li jieħdu sehem fl-isfilata jingħataw numru ta’ identifikazzjoni mill-organizazzjoni. Is-sekwenza f’kull kategorija, tittella’ bix-xorti minn fost l-entraturi (items) kollha li jieħdu sehem.Il-parteċipanti kollha għandhom juru fuq quddiem, fejn ikun jidher sew u skond kif miftiehem mal-organizazzjoni l-identifikazzjoni tagħhom kif tidher ukoll fil-programm uffiċċjali. Ħadd ma jista’ jieħu sehem fl-isfilata, mingħajr dan in-numru.

G. L-isem ta’ l-entratura ( l-item) jintgħażel mill-parteċipant iżda ma jistax jeċċedi 6 (sitt) kelmiet.

H. F’każ fejn hemm żewġ liders l-aktar anzjan ikun dak rikonoxxut ma’ l-entratura ( item rispettiv). Id-dritt tat-tieni lider qiegħad jiġi stabbilit kif miftiehem fir-Regolamenti tar-Registrazzjoni tal-Partecipanti ( Annex A)

I. Wara li tkun accetata l-entratura ma jistax isir tibdil jew zieda fl-isemijiet ta’ lider/s.

J. Il-partecipanti kollha għandhom ikunu fil-post u fil-ħin li jingħatalhom, kemm għal dik li hija sfilata kif ukoll għall-kompetizzjoni taż-żfin. Dawk li jonqsu milli jkunu fil-hin jittiehdu passi kontrihom mill-organizazzjoni, nkluz li ma’ jiehdux sehem , jew ma’ jigux iggudikati f’dik il-gurnata, jew ghal kumplament tal-Karnival skond il-kaz.

L-Organizazzjoni zzomm id-dritt li tqabbez l-entraturi ( item), kif ukoll il-partecipanti jridu joqghodu ghal kull direttiva li tinghatlhom biex jizfnu u/ jew jippartecipaw fl-isfilata’ meta jintalbu.

K. L-isfilata tibda skond ir-rotta u l-ħin li tiddeċiedi l-Organizazzjoni. L-Organizazzjoni tirriserva d-dritt li tmexxi u tbiddel l-ordni ta’ l-isfilata skond il-bżonn.

L. Kull lider hu responsabbli għall-imġieba u l-bon ordni tal-membri kollha tal-grupp tiegħu ( fejn għandu x’jaqsam mal-ksur tar-regolamenti tal-Karnival) tul l-attivitajiet u dak kollu li għandu x’jaqsam ma’ l-organizzazzjoni kollha sa l-aħħar attivita’ tal-Organizazzjoni

Ksur ta' dan ir-Regolament ifisser tnaqqis ta' klassifika, jew skwalifika mill-kumplament tal-ġranet tal-Karnival skond il-każ u / jew kif indikat f’Regolament Numru 2 (I)

M. Kull lider huwa responsabbli għal ġbir ta’ skart ta’ l-entratura (item) rispettiva u jrid jassigura li minbarra li ma ssirx ħsara lill-ambjent, iħalli l-post li juża biex jarma / jżarma, nadif u bla ħsara. Dan jgħodd anke għall-parkeġġ fejn tassenjalu l-Organizazzjoni.

Ksur ta' dan ir-Regolament ifisser Multa li tista tlaħħaq għall-ispejjez u /jew danni li tali skart / ħsara ikun ikkaguna lill-ambjent. Kull każ jittieħed skond il-mertu tiegħu

N. Kull lider huwa marbut li jieħu sehem, bl-entratura, tul il-ġranet
tal-Karnival fil-postijiet hekk kif jiġu stabbiliti u kif jintalab mill-organizazzjoni. Kull lider hu responsabbli li jwassal il-karru ghall-isfilata fil-lejl ta’ qabel jew kmieni filghodu sa mhux aktar tard mis-7am tal-gurnata li l-item ikun se jiehu sehem.

Ksur ta' dan ir-Regolament ifisser multa ta' €100 u skwalifika awtomatika ta’ dik il-ġurnata u / jew ġranet li ma jkunx ħa sehem.

Jekk meta l-karrijiet ikunu se jiccaqalqu mill-imhazen ghal post indikat ghall-isfilata jkun hemm xi partecipant/I li jimblokka lil partecipant/I iehor/ohra jittiehdu passi drastici kontra minn jaghmel l-imblokk, inkluz li jigi skwalifikat li jiehu sehem fil-Karnival. L-organizazzjoni zzomm id-dritt li titlob l-intervent ta’ l-awtoritajiet biex l-imblokk jitnehha.

O. Kull lider irid jassigura li t-trakter u kull mekkaniżmu ieħor għandu jkollu protezzjoni minn taħt sabiex ma jwaqqax żjut fit-toroq. L-ebda entratura (item) ma titħalla tieħu sehem jekk ma jkunx attrezzat kif qed jintalab f’dan il-paragrafu.

Ksur ta' dan ir-Regolament ifisser skwalifika ta’ kull ġurnata li jitwaqqaf milli jieħu sehem.

P. Il-lider irid ikun responsabbli li l-ħin kollu jrid ikollu ċ-ċavetta tat-trakter biex ikun jista’ jsuq/ iċaqlaq il-karru f’kull ħin skond kif ikun mitlub. Hu x’inhu l-organizazzjoni għandha d-dritt li ċċaqlaq hi l-karru skond l-esiġenzi mingħajr ebda obbligi ta' xejn.

Min jonqos minn dan ma jithalliex jiehu sehem fl-isfilata tal-gurnata.

Q. F’kull każ, għajr f’dak ta’ emerġenza, it-trakter jrid ikun miksi b’xi forma jew oħra. It-trakter jista’ jiġi żvillupat f’kull forma basta is-sura tiegħu ma jkollhiex x’taqsam ma’ xi reklamar partikolari. Reklamar ta’ prodotti mhux permessi bil-liġijiet tal-pajjiż ma jistgħux ikunu esebiti. Ir-reklamar jista’ jintwera f’kull parti eskluża l-faċċatta ċatta ta’ quddiem tat-trakter. Fuq din il-faċċatta ta’ quddiem tat-trakter, b’mod ċar u b’ortografija tajba, jrid ikun hemm l-isem ta’ l-entratura ( item) flimkien ma’ l-isem / jew ismijiet tal-lider/s u n-numru ta’ l-item rispettiv.

Ksur ta' dan ir-Regolament ifisser tnaqqis ta’ klassifika u ma jitħalliex jieħu sehem sakemm it-trakter jiġi rrangat skond ir-regolamenti.

R. Il-briju tal-kumpaniji, il-movimenti tal-karrijiet / maskeruni, id-daqq u l-brijju mill-baned għandu jsir tul ir-rotta ta’ l-isfilata kollha. Il-membri tal-ġurija jikkonsidraw dan fl-għoti tal-mertu. Il-brijju ma jistax ikun partiġġjan.

5. IL-PROTESTI

A. Il-lider għandu d-dritt li jagħmel protest kontra kull allegat ksur ta’ Regolament. Kull protest għandu jsir BIL-MIKTUB mill-ewwel lider registrat ( l-anzjan) fuq formoli maħruġa mill-Organizazzjoni. Huwa d-dmir ta' min jagħmel il-protest li jippreżenta d-dokumentazzjoni kollha meħtieġa kif ukoll il-provi neċessarji flimkien mal-protest uffiċċjali. Kull min isirlu xi protest kontrih jiġi mgħarraf b’dan. Kull protest jista’ jiġi ppreżentat sa l-aħħar jum tal-Karnival fid- 9.00 ta’ filgħaxija, pero, fil-ġranet l-oħra, kull protest irrid jiġi pprezentant sa mhux aktar tard minn 12-il siegħa wara li jkun seħħ il-kaz. Għal kull protest irid isir depożitu ta’ € 50 li jintilef jekk il-protest ma jintlaqax

6. Il-KARRIJIET

A. Il-karru bil-movimenti kollha nkorporati fl-istess Regolamenti, jrid jinħadem biex jitħaddem b’tali mod li jitgawda tul l-isfilata kollha u mhux biss fl-enklowxer. Il-movimenti jistgħu jitħaddmu manwalment jew mekkanikament, basta x-xogħol tat-tħaddim fil-biċċa l-kbira jsir minn ġewwa l-karru. Iridu jittieħdu miżuri kollha ta' " EU Health & Safety" mill-lider. L-Organizazzjoni tirriserva d-dritt li tqabbad Inġinier biex jispezzjona x-xogħol u t-toqol tal-karru. F’każ li dan l-Inġinier ma jkunx sodisfatt bil-kundizzjonijiet tal-karru, l-lider ikollu jirranġa d-difetti kollha skond ir-rapport ta’ l-Inġinier qabel jitħalla jieħu sehem.

Ksur ta' dan ir-Regolament ifisser li jekk minħabba din ir-raġuni, l-entratura ma tkunx dehret f'din il-ġurnata/ ġranet oħra, dan jitlef id-dritt li jiġi ġġudikat.

B. Il-lider irid jassigura li f'kull ġurnata li jieħu sehem, li l-karru jkun mgħammar bil-bżonnijiet adegwati kollha għall-ewwel għajnuna (first aid kit) u b’ċilindru / pompa għat-tifi tan-nar ( fire-extinguishers ) inkluż, żewġ (2) boroż ramel ta’ 25 kilo il-waħda li jkunu jridu jintużaw f’każ ta’ xi leakage ta’ zjut.

Ksur ta' dan ir-regolament ifisser li jekk minnħabba dawn in-nuqqasijiet, l-entratura ma tkunx tħalliet tidher f'xi ġurnata/ ġranet oħra, jintilef id-dritt li tiġi ġġudikata.

C. Il-karrijiet kollha ma jistgħux ikun ogħla minn 6.25 metri ( mhux aktar minn 20 pied u nofs) mill-art u ma jistgħux ikunu itwal minn 13.41 metru ( mhux aktar minn 44 pied) u mhux usa minn 4 metri (mhux aktar minn 13-il pied ).

Ksur ta' dan ir-regolament ifisser li min jaqbez il-qisien stabbiliti bejn 15.3 ċentimetru ( 6 pulzieri) u 30.45 ċentimetru (pied) jeħel klassifika kull darba li jidher. Titnaqqas klassifika oħra jew klassifiki oħra addizzjonali għal kull 30.45 ċentimetru ( pied) ieħor żejjed kull darba li l-entratura ( item) tidher mhux kif suppost.

D. It-tul tal-karru jfisser id-distanza mill-ponta ta’ quddiem tat-trakter sa l-aħħar ponta ta’ wara tal-karru, bl-żbarraċi ta’ l-irmunkar (tow bar/s) b’kollox. Il-kejl tat-tul jittieħed b’linja dritta mill-aktar ponot ’l barra. It-tilari tal-karru jridu jkunu ta’ l-inqas 30 ċentimetru (madwar pied) għoli mill-art. L-żbarraċi ta’ l-irmunkar ( tow bar) jistgħu jkunu teleskopiċi jew extendable, pero', waqt l-isfilata, kif ukoll waqt il-kejl, il-qisien iridu jkunu skond kif stipulati fir-Regolament C.

E. Għal kejl tal-karrijiet jintalbu jkunu preżenti il-lider/s, pero’ jekk il-lider/s, ma jkunx/ jkunux, fil-ħin, il-kejl isir xorta waħda.

F. Il-parti ta’ quddiem tal-karru li taqbeż il-pjattaforma tat-trejler, trid tkun manuvrabbli biex tkun tista’ tgħaddi mit-toroq.

G. Ebda parti mill-karru li toħroġ teleskopikament kif ukoll minn xi ġenb ma tista’ tinqala’ u tmiss \ timxi ma’ l-art.

Ksur ta' dan ir-regolament ifisser skwalifika ta’ dik il-ġurnata.

H. Il-Organizazzjoni mhix responsabbli la għall-karru, la għall-materjal u lanqas minn kull apparat li l-parteċipant ikollu fuq il-karru tiegħu u dan jgħodd minn meta jinbeda l-bini tal-karru sa meta jiġi żarmat.

I. Bejn il-karru u t-trakter irid ikun hemm katina soda \ħabel tal-wajers imdawrin (wire rope) jew meżżi oħra ta’ sigurta għas-sodisfazzjon tal-Organizazzjoni bħala sigurta’ barranija.

Ksur ta' dan ir-regolament ifisser Multa ta’ € 50 u ma jitħallix jieħu sehem sakemm ikun kif stipulat fir-regolamenti.

J. Fuq il-karrijiet trijonfali ( eskluż it-trakter) jista’ jkun hemm sa mhux aktar minn 20 il-maskarat ( mhux tfal ta’ taħt l-10 snin). L-Organizazzjoni ma tagħti l-ebda kumpens extra għal dawn il-maskarati. Il-helpers allokati għal kull karru jistgħu wkoll ikunu lebsin xi Kostum mal-karru, biex janimaw fil-briju mill-art.

Ksur ta' dan ir-regolament ifisser Klassifika kull darba li jidher mhux kif suppost

K. Il-parti ta’ quddiem tat-trakter trid tkun imfassla b’mod li s-sewwieq ikollu veduta miftuħa. Ħadd, ħlief is-sewwieq, ma jista’ joqgħod fuq it- trakter. M’għandux ikun hemm xorb, kaxxi tax-xorb u / jew speakers u apparat ieħor vizibbli tul l-isfilata kollha. Is-sewwieq tat- trakter irid ikollu liċenzja valida tas-sewqan skond ir-Regolamenti tas- Sewqan u josserva l-ħin kollu r-Regolamenti kollha tas-Sewqan. Is-sewwieq qatt ma jista’ jħalli t-trakter waħdu, jiżfen jew jagħmel xi mossi oħra. Lanqas ma' għandu jixrob xorb alkoħoliku, jew ikun taħt influewenza ta’ xi sustanzi, waqt is-sewqan. Il-pulizija ser tiġi mitluba li tieħu l-azzjonijiet meħtieġa dwar dan waqt l-isfilata.

Ksur ta' dan ir-regolament ifisser tnaqqis ta’ klassifika kull darba li jinkiser dan ir-regolament u x-xufier ma jitħallhiex jieħu sehem għall-ġranet l-oħra tal-karnival.

L. Id-dħul ta’ l- entraturi (items) fl-enklowxer irid isir skond l-istruzzjoni tal-membri responsabbli tal-organizazzjoni jew tad-Delegati tagħha. Ser ikun hemm sinjal indikattiv kemm għat-tluq, kif ukoll għall-ħruġ. Id-dħul fl-enklowxer jibda eżatt mal-mużika u l-pożizzjoni tal-karru għall-ħruġ trid tkun eżatt mall-waqfien tal-mużika.

Ksur ta' dan ir-regolament ifisser tnaqqis ta' klassifika.

N. Il-ħoss u mużika kollha minn fuq il-karru trid tkun ta’ qawwa moderata u tkun ta’ stil karnevalesk u ma tistax tindaqq muzika house, underground, tecno jew generu iehor simili. Is-Sownd irid jintefa' qabel mal-karru jasal ħdejn il-Wembley Stores u ma jerġax jibda jdoqq qabel ma l-karru jaqbeż il-pont ta’ Bieb il-Belt.

Ksur ta' dan ir-regolament ifisser klassifika kull darba li jinkiser.

7. FL-ENCLOSURE

a. Karrijiet Trijonfali A, B u C ( bil-helpers tagħhom etc.) ma jistgħux idumu aktar minn sitt (6) minuti.